NOTÍCIA COMPLETA
29/05/2010
La lenga es de politica
Jacme Delmas
Aquò se debana pel primièr en Òlt-e-Garona, departament d’un vièlh occitanisme (mai de 30 annadas amb un ajuda publica quasi nulla) que veirà pel primièr còp un engatjament global dels politicians per la lenga occitana, ambe benlèu una emulacion dreita/esquèrra.
Los militants dels partits politics locals an prepausat al Conselh General una mesada d’animacion [la paradòxa es que la mesada se sona «Quinzaine Occitana», sem en plena diglossia, es un element que fauta a totas las iniciativas una formacion en saber sul tèma de las politicas lingüisticas]. Lo Conselh General d’Òlt-e-Garona a pas encara un cargat de mission coma dins Tarn (Albigés) o dins las «Landes» (Còr de Gasconha), mas un elegit encargat de l’occitan.
Mas la politica lingüistica a –de segur– mestièr d’èstre explicada als elegits. Per exemple, an pas encara soscat per aver de la signaletica en doás lengas coma dins l’ensemble dels departaments bretons o coma en Euskadi del nòrd (dins los panèus d’indicacion, als oficis de torisme o dins los buses e TER pagats per las autoritats localas).
La mesada se debana ambe las animacions costumièras, concèrts del Peire Boissièra (militant del Partit Occitan e president de l’Escòla Occitana d’Estiu), serada de visita de la ciutat d’Agen (per JP Hilaire, cap-redactor de la revista Lo Lugarn, PNO e associacion «Agenés, Tèrra Occitana»), etc.
Per costat de la dreita (Nouveau Centre) es la «Santa Estèla» qu’es valorizada a Castilhonés. Aquesta manifestacion felibrenca se debanèt la dimenjada de Pentacòsta, es l’aplec annadièr de l’associacion dels «Felibres» de l’Estat francés, recampèt alara mai de 300 congressistas gràcias a una organizacion felibrenca perigordina importada per l’escasença en Agenés, e los secors locals (associacions ciutadanas de tot escantilh).
*Aquesta informació la trobaràs sencera al setmanari EL TRIANGLE.
Aquò se debana pel primièr en Òlt-e-Garona, departament d’un vièlh occitanisme (mai de 30 annadas amb un ajuda publica quasi nulla) que veirà pel primièr còp un engatjament global dels politicians per la lenga occitana, ambe benlèu una emulacion dreita/esquèrra.
Los militants dels partits politics locals an prepausat al Conselh General una mesada d’animacion [la paradòxa es que la mesada se sona «Quinzaine Occitana», sem en plena diglossia, es un element que fauta a totas las iniciativas una formacion en saber sul tèma de las politicas lingüisticas]. Lo Conselh General d’Òlt-e-Garona a pas encara un cargat de mission coma dins Tarn (Albigés) o dins las «Landes» (Còr de Gasconha), mas un elegit encargat de l’occitan.
Mas la politica lingüistica a –de segur– mestièr d’èstre explicada als elegits. Per exemple, an pas encara soscat per aver de la signaletica en doás lengas coma dins l’ensemble dels departaments bretons o coma en Euskadi del nòrd (dins los panèus d’indicacion, als oficis de torisme o dins los buses e TER pagats per las autoritats localas).
La mesada se debana ambe las animacions costumièras, concèrts del Peire Boissièra (militant del Partit Occitan e president de l’Escòla Occitana d’Estiu), serada de visita de la ciutat d’Agen (per JP Hilaire, cap-redactor de la revista Lo Lugarn, PNO e associacion «Agenés, Tèrra Occitana»), etc.
Per costat de la dreita (Nouveau Centre) es la «Santa Estèla» qu’es valorizada a Castilhonés. Aquesta manifestacion felibrenca se debanèt la dimenjada de Pentacòsta, es l’aplec annadièr de l’associacion dels «Felibres» de l’Estat francés, recampèt alara mai de 300 congressistas gràcias a una organizacion felibrenca perigordina importada per l’escasença en Agenés, e los secors locals (associacions ciutadanas de tot escantilh).
*Aquesta informació la trobaràs sencera al setmanari EL TRIANGLE.
Últimes notícies de la secció Occitània
