Jacme Ressaire, librari e puèi apicultor, militant politic, es estat sobretot lo president del PNO de 1974 a 2008. Es mòrt lo 8 de junh de 2010 a Banhòls de Cesa en Provènça. Etnista coma François Fontan e Guy Héraud, es estat un co-fondator del «parti nationaliste occitan», puèi devengut europeïsta dins las annadas 1990, èra alara lo Partit de la Nacion Occitana, partit independentista, federalista europèu e malgrat tot marginal dins l'escàs politic occitan. Aviá militat per l'independéncia d'Argèria, causa que li donèt problèmas ambe las autoritats francesas.

Ressaire se presentèt mantunas vagadas a las eleccions republicanas francesas sense gaire de succès politic. Es estat per mantunes biaisses a l'iniciativa de vias politicas en Occitània.