Jacme Delmas
De la novèla PAC arriba ambe tres reaccions sindicalas, per tres sindicats agricòls diferents per l’Estat francés, e donc Occitània es l’enjòc bèl. Dins las darrièras eleccions professionalas, las Cambras Agricòlas son geridas per la FDSEA en majoritat en Occitània, levat a un endreit, l’Òlt-e-Garona, que la gestion es compartida entre la Coordinacion Rurala e la Confederacion Pagesa. La FDSEA es lo sindicalisme oficial, oficial per l’UMP e lo PS , es installat al nivèl de l’Estat central ambe la FNSEA e pel costat jove, pel Jeunes Agriculteurs, avèm aital un sistèma blocat, sistèma qu’a afovorizat lo sistèma agricòl del nòrd, de l’entrepresa agricòla de bèla dimension e evidentament sense cap reflexion ecologica sul territòri; aital avèm la crisi de l’aiga verda en Bretanha ambe la sobreproduccion de teissons, e la crisi d’espandiment de las pissadoiras (que ne cal far quora la produccion a pas d’espandiment agricòl per zo far?), sense parlar de l’odor (pels neo-rurals que s’installan de mai en mai en periferia de las ciutats), o l’installacion de l’apelacion cambajon de Baiona ambe una produccion dinca Peitieu, o lo cambajon de la Montanha Nègra ambe l’ajuda de Lhèida.

Çò d’excepcional es qu’a la sortida de la PAC avèm agut dins lo meteis camp la Confederacion Pagesa e la FDSEA/FNSEA/Jeunes Agriculteurs, contra los sampitèrnes productivismes de la Coordinacion Rurala. La CR es nascuda d’una cission de la FNSEA, e mai que tot de las regions pauras (per l’agricultura o per una filiara criticada per un productivisme excessiu) de l’Estat francés, donc es nascuda majoritàriament en Occitània. La Coordinacion Rurala es fòrta en Gasconha, aital las pausicions de las FDSEA de Gasconha son influenciada per la Coordinacion Rurala.

*Aquesta informació la trobaràs sencera al setmanari EL TRIANGLE.