Jacme Delmas
Se vei pas del primièr caire, mas i a concurréncia dementre los partits franceses en Lengadòc sobre l’esquina occitana, o en favor de la cultura occitana, pel grand plaser des gropes musicals e artistics occitans. I a una multiplicacion de las animacions d’estiu, pichona o granda coma la «Festa d’Oc».

Alara me pensèri utile d’anar veire coma se debana la promocion de la fèsta, se l’Òc i es valorizat coma cal. L’afar es puslèu classica e la referéncia revendicada es la fèsta interceltica d’An Oriant, lo nivèl es puslèu mai discret, cal dire que sonque la municipalitat paga per la fèsta de Besièrs, es una guèrra entre Raimon Couderc, lo cònsol, e Georges Frêche, capolier qualificat de tot.

Es de se demandar se Total Festum es pas estat montat per probar que l'esquèrra tanben es capabla de far una animacion artistica. Al mens la dreita fabrica una fèsta occitana, mas la lenga e l’ortografia es gaire respectada, «FESTA d’OC», coma se las majusculas frenávan per i botar los accents, es una fèsta d'Òc sense accent, mas la revista de la comuna bota un accent sul final «festà»; i a un problèma clar de coneissença; aqueste problèma de coneissença generala sul tèma l’ai entendut dins la boca de l’elegit designat, per Raimon Couderc, delegat de la lenga occitana; el sap pas la diferéncia entre escòla Calandreta e escòla bilingüa de l’Éducacion Nationale.; çaquelà fan causòtas per los desvolopaments de l’ensenhament, e ne son fièrs.

*Aquesta informació la trobaràs sencera al setmanari EL TRIANGLE.